21 fev 07:23
Yangiliklar

Tennis

Simona Xalep Dubayda 1/2 finalga chiqdi

Dunyoning ikkinchi raqamli tennis malikasi Simona Xalep Dubay shahrida o'tkazilayotgan nufuzli WTA turnirining yarim finaliga yo'l oldi.

Ruminiyalik tennischi reytingning 13-pog'onasidan joy olgan belaruslik Arina Sobolenkoga qarshi bahs olib bordi va raqibasini 3/6, 6/2, 6/2 hisobida taslim etdi. Xalep 1 soatu 36 daqiqa davom etgan uchrashuvda 2 ta eys zarbasini amalga oshirdi.

Tennischilarning o'zaro uchrashuvida Simona endi 3:1 hisobida oldinda bormoqda. Xalep Dubai Duty Free Championships musobaqasining yarim finalida amerikalik Jennifer Brediga qarshi kortga chiqadi.