Simona Xalep Pragani zabt etdi YORQIN FOTOGALEREYA

Prague Open turnirining bosh sovrini ruminiyalik tennis malikasi Simona Xalepga nasib etdi. Sayyoramizning ikkinchi raketkasi hal qiluvchi final uchrashuvida reytingning 23-pog'onasidan joy olgan belgiyalik raqibasi Elize Mertensdan ustun keldi - 6/2, 7/5.

Final uchrashuvi 91 daqiqa davom etgan. O'zaro uchrashuvlarda Simona endi 4:1 hisobida oldinga chiqib oldi. Praga turniridagi muvaffaqiyatli ishtirok Xalepga 25,000 dollar mukofot puli hamda 280 reyting ochkosini taqdim etdi. Bu Simonaning mavsumdagi ikkinchi, faoliyatidagi 21-sovrin edi. Mertens esa 14,000 dollar hamda 180 ochkoga ega bo'ldi.