Simona Xalep restartni qiyin g'alaba bilan boshladi

Ruminiyalik tennis malikasi CHexiya poytaxtida o'tkazilayotgan Prague Open turnirining ilk davrasida reytingning 46-pog'onasidan joy olib turgan sloveniyalik Polona Xercogni qiyinchilik bilan taslim etdi - 6/1, 1/6, 7/6(3).

Uchrashuv 90 daqiqa davom etgan. Har ikki tennischi ham bittadan eys zarbasini amalga oshirishdi. O'zaro uchrashuvlarda Xalep 3:1 hisobida oldinda bormoqda. Endi Simona ikkinchi bosqich bahsida chexiyalik Barbora Kreychikovaga qarshi kortga chiqadi.