05 iyu 11:45
Yangiliklar

Tennis

Sinner "Rolan Garros" 1/4 finalida Dimitrovni taslim etdi

Franciya poytaxti Parij shahri mezbonligida o'tayotgan "Katta Dubulg'a" turkumiga kiruvchi "Rolan Garros" turniri o'zining hal qiluvchi pallasiga kirdi.

Erkaklar o'rtasidagi bahslarda yarim finalchilar aniqlanmoqda. Dunyoning ikkinchi raketkasi Yannik Sinner faoliyatida ilk bor Franciya Ochiq chempionatining yarim finaliga yo'l oldi. Italiyalik tennischi 1/4 finalda reytingning 10-pog'onasida borayotgan bolgariyalik Grigor Dimitrovni uch set natijasiga ko'ra taslim etdi - 6/2, 6/4, 7/6(3).

Sinner tennischilarning o'zaro uchrashuvlaridagi hisobni yiriklashtirdi - 4:1. Ikki soatu 32 daqiqa davom etgan bahsda Sinner 8, Dimitrov 5 ta eys zarbasini amalga oshirgan. Qo'shxatolar 0 ga 5 ko'rinishida Grigor "foydasi"ga hal bo'ldi. Breyklar bo'yicha ustunlik g'olib tennischi tomonida - 4 ga 1! Endi u final chiptasi uchun Karlos Alkarazga qarshi kortga chiqadi.