Sinyakova - Sloveniyada sovrin sohibasi!

Hal qiluvchi final uchrashuvida kutilmagan natija qayd etildi. Jahon reytingida 82-pog'onadan joy olib turgan chexiyalik Katerjina Sinyakova dunyoning 25-raketkasi qozog'istonlik Elena Ribakinani 6/7(4), 7/6(5), 6/4 hisobida mag'lubiyatga uchratdi. 

Uch soatu bir daqiqa davom etgan dramatik bahsda Sinyakova ajoyib kambekni amalga oshira oldi. Bu bilan Katerjina o'zaro uchrashuvlardagi hisob farqini minimal darajaga qisqartirdi - 3:4.

CHexiyalik tennischi uchrashuv davomida 1 ta, qozog'istonlik esa 8 ta eys zarbasini amalga oshirgan. Sloveniyadagi muvaffaqiyatli ishtirok Sinyakovaga 280 reyting ochkosi hamda 33,200 dollar mukofot puli keltirdi. Bu uning faoliyatidagi uchinchi, mavsumdagi birinchi sovrini edi.