Uimbldon. Ayollar o'rtasida juftlik turnirining g'olibalari malum

Musobaqaning ayollar o'rtasidagi juftlik bahslarida g'olibalar aniqlandi. Hal qiluvchi final uchrashuvida chexiyalik Katerjina Sinyakova va amerikalik Teylor Taunsend tandemi kanadalik Gabriela Dabrovski hamda Yangi Zelandiya vakilasi Erin Rutlif hamkorligini mag'lubiyatga uchratdi - 7/6(5), 7/6(1).

Ikki soatu olti daqiqa davom etgan bahsda Sinyakova/Taunsend juftligi 5 ta eys, 1 ta breykni amalga oshirdi. Qo'shxatoga yo'l qo'ymadi. Sinyakova juftlikda to'qqizinchi, Taunsend esa birinchi "Katta Dubulg'a" turniri chempionligiga erishdi. Ular 2000 reyting ochkosi hamda 650,000 funt sterling mukofot pulini qo'lga kiritishdi. Dabrovski va Rutlif esa birgalikda 1300 ochko va 330,000 funtga ega chiqishdi.