28 okt 07:22
Yangiliklar

Tennis

Sobolenko - Kichik Yakuniy WTA chempionati g'olibasi!

Xitoyning CHjuxay shahrida tennis bo'yicha Kichik Yakuniy WTA chempionati yakunlandi.

WTA Elite Trophy musobaqasining hal qiluvchi final uchrashuvida dunyoning 14-raketkasi, belaruslik Arina Sobolenko reytingning 10-pog'onasidan joy olib turgan gollaniyalik Kiki Bertensga qarshi kortga chiqdi.

Arina 75 daqiqa davom etgan uchrashuvda kuchli raqibasini ortiqcha qiyinchiliksiz mag'lub eta oldi - 6/4, 6/2. CHjuxaydagi muvaffaqiyatli ishtirok Sobolenkoga 655 000 dollar mukofot puli hamda 700 reyting ochkosini taqdim etdi. Bertens esa bu turnirdan 305 000 dollar hamda 440 ochko ishlab oldi.