Sobolenko maysa qoplamali turnirlar mavsumini g'alaba bilan boshladi

Sayyoramizning oltinchi raqamli tennis malikasi Arina Sobolenko turnirdagi ilk uchrashuvida g'alaba qozondi. Belaruslik tennischi reytingning 142-pog'onasidan joy olgan ukrainalik Katerina Bayndldan 6/4, 6/1 hisobida ustun keldi.

Uchrashuv 83 daqiqa davom etgan. Bu vaqt oralig'ida Sobolenko 10 ta eys, 11 ta qo'shxato, 5 ta breyk-poynt qayd etdi. Tennischilarning o'zaro uchrashuvlaridagi muvozanat tiklandi - 1:1. 

Endi Arina Xertogenbosh turnirining keyingi bosqichida mezbonlar vakilasi Arianna Xartonoga qarshi kortga chiqadi. Niderlandiyalik tennischi ilk davrada avstraliyalik Tayla Prestonni mag'lub etdi - 6/4, 3/6, 6/4.