Sobolenko Xertogenbos turniri bosh sovrini uchun kortga chiqadi

Jahonning oltinchi raketkasi, belaruslik Arina Sobolenko musobaqaning yarim finalida WTA reytingida 42-pog'onani egallab turgan amerikalik SHelbi Rojersni 7/6, 6/0 hisobida mag'lub etdi va turnir finaliga yo'l oldi.

Tennischilar kortda 1 soatu 36 daqiqa harakat qilishdi. Bahs davomida 24 yoshli Sobolenko ikkita eys zarbasini amalga oshirib, to'pni o'yinga kiritishda to'rt marta xatoga yo'l qo'ydi va beshta breyk qayd etdi. 

29 yoshli Rojers esa beshta eys amalga oshirib, ikki bor qo'shxatoga yo'l qo'ydi va ikkita breykdan unumli foydalandi. Bu sportchilarning birinchi rasmiy uchrashuvi edi. Xertogenbosdagi musobaqa finalida Sobolenko rossiyalik Ekaterina Aleksandrova bilan bahs olib boradi.