Soyib Qurbonov yarim finalda, Matniyozova bronza uchun kurashadi

Dunyoning ellikdan ziyod davlati vakillari ishtirokida o'tayotgan mazkur musobaqaning ikkinchi kunida uch nafar dzyudochimiz tatamiga chiqishi ko'zda tutilgandi. Ulardan -90 kg vazndagi Yahyo Imomov avvaliga iordaniyalik Ibrohim Xalafni mag'lub etdi. Lekin ikkinchi bosqichda rossiyalik Kiril Denisovga imkoniyatni boy berib, musobaqadagi ishtirokini yakunladi.

-100 kg vazn toifasidai vakilimiz Soyib Qurbonov esa o'z guruhida g'oliblikni qo'lga kiritib, yarim finalga etib keldi. Bir necha daqiqalardan so'ng u final chiptasi uchun germaniyalik Karl Richard Freyga qarshi tatamiga chiqadi. Turnirda ishtirok etayotgan yagona dzyudochi qizimiz Gulnoza Matniyozova esa o'tish turnirida slovakiyalik Anka Pogachnikni mag'lub etdi. Birozdan so'ng u bronza medali uchun bahsda yaponiyalik Karen Nun Ira bilan bahslashadi.