Sport vaziri Samarqand viloyatida ommaviy va professional sportni rivojlantirish ishlari bilan tanishdi

Tashrif davomida Bulung'ur, Jomboy va Samarqand tumanlaridagi sport maktablarining faoliyati, "Besh tashabbus olimpiadasi" musobaqalarini tashkil etish, mazkur sport musobaqalariga uyushmagan yoshlarni qamrab olish ko'rsatkichi tahlil qilindi.

Aholining jismoniy tayyorgarlik darajasi sport sinovlarini qabul qilish holati ham o'rganildi. Mazkur tadbirning ahamiyati haqida jamoatchilikning xabardorligini oshirish yuzasidan ko'rsatmalar berildi.    

Sportchilarni nufuzli sport musobaqalarga tayyorlash, ERP sport tizimini sohaga tadbiq etish yuzasidan sportchilar va trenerlar bilan suhbatlashildi. "Yashil makon" umummilliy loyihasi doirasida bajarilayotgan ishlar bilan tanishish asnosida, sport maktablari hududiga daraxt ko'chatlari ekildi.

Ayni vaqtda Samarqand shahrida zamonaviy Gimnastika markazi barpo etilmoqda. Sport vaziri qurilish jarayoni bilan yaqindan tanishdi. Loyihada ko'rsatilgan ishlarni sifatli va o'z vaqtida bajarilayotganiga etibor qaratildi.   

Mavjud sport obektlaridan samarali foydalanish, ularni saqlash, tamirlash, sport anjomlaridan foydalanish holati  tuman hokimlari ishtirokida ko'zdan kechirildi. Aholining jismoniy faolligini oshirish, sportchilarni har tomonlama qo'llab-quvvatlashda o'zaro hamkorlik muhim ahamiyat kasb etishi takidlandi. Bu boradagi ishlarni samarali tashkil etish yuzasidan masullarga zarur tavsiyalar berildi.