Sportchilar Prezident SHavkat Mirziyoevga tabrik yo'lladi

Hurmatli SHavkat Miromonovich!

Avvalo Sizni bugungi qutlug' sana munosabati bilan mamlakatimiz sport jamoatchiligi nomidan samimiy muborakbod etamiz.

Sir emaski, Sizning rahbarligingiz ostida jonajon O'zbekistonimiz o'z taraqqiyotining yangi bosqichiga ko'tarildi va bunga barchamiz guvoh bo'lib turibmiz.

Jahon hamjamiyatida o'zining munosib o'rnini topishga intilayotgan respublikamizda iqtisodiy-ijtimoiy sohalar bilan bir qatorda jismoniy tarbiya va sportga ham alohida etibor qaratilmoqdaki, bundan barchamiz behad mamnunmiz.

Pandemiya sharoitida, qolaversa mamlakatimiz uchun sinovli kelgan joriy yilda ham Sizning rahnamoligingiz ostida biz sportchilarga barcha sharoitlar bekamu-ko'st yaratib berilmoqda. Buning uchun Sizga o'z minnatdorligimizni bildiramiz va jahon arenalarida mustaqil O'zbekiston bayrog'ini yanada yuqori ko'tarishga astoydil harakat qilamiz. Zotan, har bir davlatni kuch va qudratini belgilovchi asosiy omil – bu jismonan sog'lom va har tomonlama rivojlangan avloddir, deb bejiz aytmagansiz va biz sporchilar ana shu ishonch va mehr-muhabbatingizga o'z g'alabalarimiz bilan javob qaytaramiz.

Yana bir bora tug'ilgan kuningiz muborak bo'lsin!

O'zbekiston Respublikasi sportchilari nomidan