04 noy 07:47
Yangiliklar

Tennis

Svitolina unvonini himoya qila olmadi, Barti yangi chempion!

Xitoyning SHenchjen shahrida o'tkazilgan Yakuniy WTA turniri yakunlandi.

Hal qiluvchi final uchrashuvida musobaqaning amaldagi g'olibasi, ukrainalik Elina Svitolina avstraliyalik Eshli Bartiga qarshi kortga chiqdi. Dunyoning birinchi raqamli tennis malikasi bo'lib turgan Barti 1 soatu 26 daqiqa davom etgan uchrashuvda WTA reytingida 8-pog'onadan joy olgan Elinani mag'lub etdi - 6/4, 6/3.

Ukrainalik 25 yashar tennis malikasi o'zaro o'tkazilgan oltinchi uchrashuvga kelibgina ilk bor 23 yoshli Eshliga yutqazib qo'ydi. WTA Finals turniridagi muvaffaqiyatli ishtirok Eshli Bartiga 2 million 95 000 dollar mukofot puli hamda 955 reyting ochkosini taqdim etdi. Bu Yashil qita vakilasining faoliyatidagi ettinchi sovrini bo'ldi.