Taniqli murabbiy "Real" qiziqishi haqidagi mish-mishlarga munosabat bildirdi

Italiyalik mutaxassis klubdan ketish variantini ko'rib chiqmayotganini va "Milan"dagi ishidan mamnun ekanini ochiq aytdi.

"Men Milanda baxtliman, klub bilan shartnomam 2027 yilgacha amal qiladi. Rahbariyat tarkibni kuchaytirish ustida faol ishlayapti va kelasi mavsumda jamoa yanada kuchliroq bo'ladi", – dedi Allegri.

57 yoshli murabbiyning "rossoneri" bilan amaldagi bitimi 2027 yilning iyunida yakunlanadi. Eslatib o'tamiz, Allegri 2025 yil yozida "Milan"ga qaytib, klubdagi faoliyatining ikkinchi bosqichini boshlagan. Uning qo'l ostida jamoa allaqachon A Seriya chempionligini va Superkubokni qo'lga kiritgan.

"Milan" joriy mavsum A Seriya jadvalida ikkinchi o'rinni egallab turibdi. Milanliklar 28 turdan keyin 60 ochko jamg'argan va "Inter" bilan chempionlik uchun kurashni davom ettirmoqda.