"Tashkent Select" ketma-ket uchinchi g'alabasini qo'lga kiritdi

Jumladan, Toshkentning "Tashkent Select" klubi o'z uyida "Gornyak" yoshlarini qabul qildi.

Ilk kungi o'yinda hamyurtlarimiz 7:4 hisobida zafar quchishdi. O'sha o'yinda Linar Xayrullin (dubl), Ilsur Umerov, Artyom Gryaznov, Albert Dadaxo'jaev, Ruslan Sultonov va Ilya Popov shayba kiritdi.

Kecha tashkil etilgan ikkinchi o'yinda esa 7:3 hisobi qayd etildi. Bu safar ham toshkentliklar g'alabaga erishdi. O'yinda Egor Kovalchuk, Samir Mirzaboev, Erik Gayniaxmetov, Artyom Gryaznov (xet-trik) va Albert Dadaxo'jaev ochko ishlab oldi.

Bu ikki g'alabadan keyin "Tashkent Select"ning ochkolari soni 16 taga etdi. Jamoa turnir jadvalida 13 jamoa orasida 11-o'rinni egallab turibdi. Vakillarimiz endi 16-17 yanvar kunlari Toshkentda "Almati" yoshlarini qabul qiladi.