"Tashkent Select" Qozog'iston yoshlar chempionatida yana bir g'alabaga erishdi

16-17 yanvar kunlari "Tashkent Select" klubi o'z uyida "Almati" yoshlarini qabul qildi.

Ilk kungi o'yinlarda yosh hamyurtlarimiz 3:2 hisobida zafar quchdi. Ikkinchi kungi o'yinda esa qozog'istonliklar 9:1 hisobida revansh olishning uddasidan chiqdi.

Bu o'yinlardan keyin "Tashkent Select"ning ochkolari soni 18 taga etdi. Klub hali ham turnir jadvalida 11-o'rinni egallab turibdi. 10-o'rindagi "Kulager" bilan farq 2 ochko qoldi.

Vakillarimiz keyingi o'yinlarini 24-25 yanvar kunlari safarda "Arlan" yoshlariga qarshi o'tkazadi.