30 okt 08:26
Yangiliklar

Xokkey

"Tashkent Select" Qozog'iston yoshlar chempionatidagi ikkinchi g'alabasini qo'lga kiritdi

Kecha, 29 oktbyar kuni xokkey bo'yicha Qozog'iston yoshlar chempionati doirasida navbatdagi o'yinlar tashkil etildi.

"Tashkent Select" klubi tur doirasida Rudniy shahrining "Gornyak" jamoasi bilan bahs olib bordi.

O'yinning asosiy vaqti hamda overtaym 2:2 hisobidagi durang bilan yakunlandi. Bullitlar seriyasida esa toshkentliklar o'z imkoniyatlaridan unumli foydalanib, g'alabani ilib ketishdi.

SHu tariqa, "Tashkent Select" Qozog'iston yoshlar chempionatining bu mavsumidagi ikkinchi g'alabasini qo'lga kiritdi. Jamoaning ayni paytdagi ochkolari soni 4 tani tashkil etmoqda. Klubimiz turnir jadvalida 10-o'rinni egallab turibdi.

Bugun soat 13:00 da "Gornyak" va "Tashkent Select" jamoalari o'rtasidagi ikkinchi o'yin o'tkaziladi.