"Tashkent Select" uzoq tanaffusdan keyin yana g'alaba qozondi

Ahamiyatlisi, kecha o'tkazilgan ilk o'yinda "Tashkent Select" qozog'istonlik yosh raqiblari ustidan 3:0 hisobida zafar quchdi. SHu tariqa, toshkentliklar 27 noyabr sanasidan buyon ilk bor Qozog'iston yoshlar chempionati doirasida g'alabaga erishdi.

Biroq, xursandchilik uzoqqa cho'zilmadi. Bugun o'tkazilgan ikkinchi o'yinda "Kulager" 5:3 hisobida g'alaba qozonib, revansh oldi.

Ushbu o'yinlardan keyin "Tashkent Select"ning ochkolari soni 10 taga etdi. Vakillarimiz ayni damda turnir jadvalida 11-o'rinni egallab turibdi.

Klub keyingi o'yinlarini 7-8 yanvar kunlari o'z uyida aynan "Kulager"ga qarshi o'tkazadi.