"Tashkent Select"ning Qozog'iston chempionatidagi mag'lubiyatli yurishi davom etmoqda

Jumladan, "Tashkent Select" xokkey klubi Uralsk shahrining "Yastrebi" klubi mehmoni bo'ldi. Jamoalar o'rtasida 30 noyabr kuni o'tkazilgan ilk o'yinda qozog'istonliklar 8:2 hisobida g'alaba qozonishgandi. "Tashkent Select" safida kiritilgan gollarga Bogdan Ganiaxmetov va Egor Kovalchuk mualliflik qilishdi.

Kecha tashkil etilgan ikkinchi o'yinda "Yastrebi" xokkeychilari 11:1 hisobida zafar quchishdi. Vakillarimizdan Bogdan Ganiaxmetov o'z hisobiga gol yozdirib qo'ydi. "Tashkent Select" 26 ta o'yinda 8 ochkogina jamg'arib, turnir jadvalida 11-o'rinni egallab turibdi.