Tayger Vudsning Nike bilan shartnomasi yakunlandi, bu milliardlar olib kelgandi

Ushbu kelishuv 27 yil (1996 yildan buyon) amalda bo'ldi. 

SHartnoma Tayger Vudsga 460 million dollar, kompaniyaga esa milliardlab dollarlar olib kelgan. 

"27 yil oldin men taniqli brendlardan birining bir qismi bo'lishga muvaffaq bo'lgandim. O'shandan beri o'tgan vaqt yodda qolarli voqealar, yorqin xotiralarga boy bo'ldi, men bular haqida to'xtamay gapirib berishim mumkin. 

Bosh direktor Fil Nayt boshchiligida Nike Golf loyihasini yaratdik. Buning uchun shaxsan unga rahmat aytaman, shuningdek boshqa xodimlar va sport arboblariga ham. Men sizlar bilan ishlashdan zavq oldim. Odamlar mendan yangi sahifa bo'ladimi yoki yo'qmi deb so'rashdi. Ha, malum manoda bo'ladi. Los-Anjelesda ko'rishguncha! Tayger", - deb yozdi Vuds ijtimoiy tarmoqdagi sahifasida.