Uch sportchimiz Kazakhstan Junior Golf Invitational 2026 turnirida g'olib va sovrindor bo'ldi

Ikki kun davomida o'smirlar o'rtasida turli yosh toifasida tashkil etilgan xalqaro musobaqada etti mamlakat — Qozog'iston, Ozarbayjon, Hindiston, Qirg'iz Respublikasi, O'mon, Birlashgan Arab Amirliklari va O'zbekistonning eng yaxshi yosh golfchilari g'oliblik uchun kurash olib bordilar.

Turnir "Nurtau" va "Zhailjau" golf klublari maydonlarida "Stroke Play (Gross)" formatida o'tkazildi. Unda g'oliblar 36 ta lunka bo'yicha eng kam zarbalar yig'indisi asosida aniqlandi.

Har bir raund sportchilardan maksimal diqqat-etibor, taktik fikrlash, matonat va eng murakkab o'yin vaziyatlarida to'g'ri qaror qabul qilish qobiliyatini talab qildi.

O'zbekiston terma jamoasi vakili Alibek Inoyatov yosh toifasidan qati nazar, turnirning eng yaxshi mutlaq natijasi uchun "BEST GROSS" maxsus sovrini bilan taqdirlandi. Ushbu mukofot ananaviy tarzda musobaqa davomida eng yuqori o'yin darajasini namoyish etgan sportchiga topshiriladi.

Qozog'iston golf federaciyasida takidlashlaricha, turnirning asosiy qadriyatlaridan biri bu nafaqat medallar uchun kurash, balki yosh sportchilar uchun xalqaro musobaqa tajribasini orttirish, o'z kuchlarini eng kuchli tengdoshlari bilan o'yinda sinab ko'rish, tajriba almashish va katta jahon golf hamjamiyatining bir qismiga aylanish imkoniyatidir.

G'olib va sovrindorlarimiz:

Oltin medallar

Amira Talipova — (Girls 15-16 yosh)

Alibek Inoyatov — (Boys 15-16 yosh)

Kumush medal

Maksim Pak — (Boys 13-14 yosh)