Tennischilarga ko'rsatiladigan yordam pullari miqdori malum qilindi. Ro'yxatda o'zbekistonlik tennischilar ham bor

ATP reytingi yakkaligida 101-500, juftlikda 51-175-o'rinlarni egallab turgan tennischilarga ko'mak beriladi. Yakkalik tennischilariga 8650 dollardan, juftlik reytingidagi sportchilarga 4330 dollardan. 

O'tgan yili 250 ming dollardan ko'p, yoki so'nggi to'rt yil ichida million dollardan ko'p pul ishlagan, shuningdek diskvalifikaciya qilingan tennischilarga pul berilmaydi. 

Malumot uchun, o'zbekistonlik erkak tennischilar ichida Denis Istomin (156), Humoyun Sultonov (311) va Sanjar Fayziev (489) jahon reytingida TOP-500ga kiradi. Qayd etish lozim, ATP so'nggi marotaba reytingini 16 mart kuni elon qilgan. 

WTA esa yakkalikdagi ayol tennischilarga 10400 AQSH dollaridan beradigan bo'ldi. Oldingi yilda 350 ming dollar, so'nggi to'rt yilda 1,4 million va butun faoliyati davomida 3,5 milliondan ortiq pul topgan tennischilarga moliyaviy ko'mak berilmaydi. Lekin xabarda aynan qaysi o'rinlardagi tennischilarga bunday yordam ko'rsatilishi aytilmagan. 

Malumot o'rnida, o'zbekistonlik tennischi qizlar ichida Sabina SHaripova (364) va Akgul Amanmuradova (407) kuchli 500likdan o'rin olgan.