Tennischilarimiz xalqaro musobaqalarda: hamyurtlarimizdan g'alaba va mag'lubiyatlar

Kecha tennischimiz Humoyun Sultonov turnirning 1/16 final bosqichida argentinalik Tomas Farjatga qarshi kortga chiqdi. 2 set davom etgan uchrashuvda Sultonov 6/3, 6/4 hisobida g'alaba qozonib, keyingi bosqichga chiqdi.

“M15 Shymkent 5”  turnirida bir qator tennischilarimiz ishtirok etmoqda. Musobaqaning 1/16 bosqichida kortga chiqqan hamyurtimiz Sergey Fomin rossiyalik raqibi Bulet Galievni 6/4, 7/6 hisobida mag'lubiyatga uchratdi. Bugun esa u rossiyalik Aleksandr SHevchenkoga qarshi o'yin o'tkazdi va 2/6, 1/6 hisoblarida imkoniyatni boy berdi. 

Huddi shu musobaqada qatnashayotgan Ibrohim Urinov shveycariyalik Lauroi Martinezga qarshi o'yin o'tkazdi. Afsuski, Urinov raqibiga 2/6, 2/6 hisobida yutqazib qo'yib, musobaqani tark etdi.

Yana bir tennischimiz Olimjon Nabiev musobaqadagi ilk o'yinida italiyalik Edoardo Levandoga qarshi kortga chiqdi. 2 set davom etgan uchrashuvda afsuski, Nabiev raqibiga 2/6, 0/6 hisobida imkoniyatni boy berib qo'ydi. 

Qozog'istonning CHimkent shahrida bo'lib o'tayotgan turnirda bugun tennischimiz Larisa Bekmatova Martina Kubka bilan to'qnash keldi. Afsuski, Bekmatova 2 setda 5/7, 2/6 hisobida mag'lubiyatga uchrab, musobaqani tark etdi.

Latviyada “W25 Leipaja”  turnirida ishtirok etayotgan hamyurtimiz Aqgul Amonmurodova kecha 1/16 final bosqichida hindistonlik Riya Bxatiyaga qarshi kechgan uchrashuvda raqibasiga 4/6, 4/6 hisobida yutqazib qo'ydi.