Ter SHtegen "Barselona" bilan xayrlashdi: "Bu klub va bu kiyinish xonasi 12 yil davomida uyim bo'ldi"

Eslatib o'tamiz, germaniyalik posbon mavsum yakuniga qadar ijara asosida "Jirona" klubiga o'tdi.

"Bugun mening "Barselona"dagi sheriklarim va klub xodimlari bilan bu mavsumdagi oxirgi kunim. Ichimda juda ziddiyatli tuyg'ular kechmoqda. Deyarli 12 yil davomida bu klub, ayniqsa, mana shu kiyinish xonasi men uchun uy bo'ldi. Bu erda men ham futbolchi, ham shaxs sifatida ulg'aydim, unutilmas lahzalarni boshdan kechirdim.

Menda cheksiz minnatdorchilik va faxr tuyg'usi bor. Ushbu klubni, shaharni va mintaqani yaxshi ko'raman. Sizlarning qo'llab-quvvatlashingiz yillar davomida ajoyib bo'ldi, chin qalbdan rahmat aytaman. Kiyinish xonasidagi sheriklarimga ham birga o'tkazilgan yillar, kurashlar va hurmat uchun tashakkur. Sizlarni doim qalbimda olib yuraman.

Jamoa sardori bo'lish men uchun yuksak sharaf edi va bu xotira umrbod men bilan qoladi. Endi mening sayohatim Kataloniyaning boshqa jamoasida davom etadi. "Barsa"ga mavsum yakuniga qadar eng ezgu tilaklarimni tilayman va ko'plab sovrinlar kutib qolaman. Tez orada ko'rishamiz", — deb yozdi ter SHtegen ijtimoiy tarmoqlardagi sahifasida.

Malumot uchun, 33 yoshli darvozabon joriy mavsumda "ko'k-anorranglilar" safida faqatgina bitta o'yinda (Ispaniya Kubogida) maydonga tushdi. Uning klub bilan amaldagi shartnomasi 2028 yilning yoziga qadar mo'ljallangan.