Terra Wortmann Open. Medvedev muvaffaqiyatli start oldi

ATP 500 toifasiga kiruvchi ushbu musobaqa bosh sovrini uchun rossiyalik Daniil Medvedev asosiy davogarlardan biri bo'lib turibdi. Dunyoning beshinchi raketkasi ilk davrada ATP reytingida 51-pog'onada borayotgan portugaliyalik Nunu Borgeshni qiyinchilik bilan mag'lubiyatga uchratdi - 7/6(4), 6/4.

Tennischilarning o'zaro ikkinchi uchrashuvida ham Medvedev g'alaba qozondi - 2:0. To'qson uch daqiqa davom etgan bahsda Daniil 9, Nunu 7 ta eys zarbani amalga oshirgan. Qo'shxatolar Medvedevda ko'proq bo'ldi - 4 ga 2. Breyklar bo'yicha ustunlik ham rossiyalik tennischi tomonda - 2 ga 1. 

Endi Daniil Medvedev Terra Wortmann Open turnirining 1/8 finalida CHjan CHjichjenga qarshi kortga chiqadi. Xitoylik tennischi o'z o'rnida birinchi bosqich uchrashuvida avstriyalik Sebastyan Ofnerdan 7/6(8), 6/7(3), 6/4 hisoblarida ustun keldi.