30 iyu 15:25
Yangiliklar
Tennis
Teylor Fritc uch karra Rothesay International chempioni!
Buyuk Britaniyaning Istburn shahrida o'tkazilgan tennis bo'yicha maysa qoplamali ATP 250 toifasiga kiruvchi turnir yakunlandi.
Musobaqa bosh sovrini amerikalik Teylor Fritcga nasib etdi. Dunyoning 13-raketkasi hal qiluvchi final uchrashuvida ATP reytingida 94-pog'onada borayotgan avstraliyalik Maks Pyorsellni 6/4, 6/3 hisobida taslim etdi.
Etiborlisi, Fritc mazkur turnirning uch karra chempioniga aylandi. Teylor faoliyatida 8 ta ATP turniri chempionligini qo'lga kiritgan. SHulardan 3 tasiga aynan Istburnda ega chiqqan.
Tennischilarning o'zaro uchrashuvlaridagi hisob 2:0 ko'rinishiga keldi. Etmish bir daqiqa davom etgan final bahsida Fritc 8, Pyorsell 3 ta eys zarbasini amalga oshirgan. Rothesay International turniridagi muvaffaqiyatli ishtirok amerikalik tennischiga 250 reyting ochkosi hamda 112,555 evro mukofot puli keltirdi.
Havola :
Manba : atp.com
Fikrlar