05 iyu 10:33
Yangiliklar

Tennis

The Championships. Xalep 4-raketkani mag'lub etdi

Dunyoning 18-raketkasi Simona Xalep Londondagi "Uimbldon" turnirining chorak final ishtirokchisiga aylandi.

Ruminiyalik tennis malikasi 62 daqiqa davom etgan 1/8 final bahsida WTA reytingining 4-pog'onasidan joy olgan ispaniyalik Paula Badosaga hech qanday imkoniyat qoldirmadi - 6/1, 6/2.

Tennischilarning o'zaro uchrashuvlaridagi hisob o'zgardi - 2:0. Simona 3, Badosa esa 1 ta eys zarbsini amalga oshirgan. Endi Xalep The Championships turnirining chorak finalida amerikalik Amanda Anisimovaga qarshi kortga chiqadi.