Top Seed Open. 16 yoshli Goff dunyoning 11-raketkasini mag'lub etdi

Sayyoramizning 53-raketkasi bo'lib turgan 16 yoshli Kori Goff barchani xayratlantirmoqda. Bu safar amerikalik iqtidor egasi dunyoning 11-raketkasi bo'lib turgan, belaruslik Arina Sobolenkoni mag'lubiyatga uchratdi - 7/6(4), 4/6, 6/4.

Bu tennischilarning o'zaro ilk uchrashuvi bo'lib, ular kortda 2 soatu 48 daqiqa harakat qilishgan. Endi Kori Goff Top Seed Open turnirining chorak finalida tunislik Ons Jaberga qarshi kortga chiqadi.