Toshkent shahrida muay-tay sporti yanada rivojlantiriladi

Kecha O'zbekiston muay-tay federaciyasining Toshkent shahar mintaqaviy bo'limining navbatdagi hisobot-saylov konferenciyasi o'tkazildi. Yig'ilishni mintaqaviy bo'lim raisi, o'zbek muay-tay maktabining etuk vakillaridan biri Ahmadjon Mirzaev olib bordi. Unda bir qator masalalar muhokama qilindi.

Konferenciya kun tartibidagi birinchi va eng muhim masala- bu O'zbekiston muay-tay federaciyasining Toshkent shahar mintaqaviy bo'limiga rais o'rinbosari hamda Bosh kotibni saylash edi. Yig'ilishda rais o'rinbosarligiga nomzod sifatida Jaloliddin SHamuratov tavsiya etildi va Konferenciya ishtirokchilari tomonidan maqullandi. Bosh kotiblikka esa Sohibxon Ibragimov nomzodi bir ovozdan qo'llab-quvvatlandi. SHuningdek yig'ilishda Toshkent shahar terma jamoasiga bosh murabbiy tayinlandi. Bu masuliyatli vazifa ko'plab chempionlarni tarbiyalagan mahoratli murabbiy Yo'ldosh Qosimovga ishonib topshirildi.

Konferenciyada shuningdek Toshkent shahar mintaqaviy bo'limining yillik musobaqalar taqvimi tasdiqlandi. Qolaversa, Respublika miqyosidagi musobaqalarda poytaxt yoshlarining yaxlit jamoa bo'lib ishtirok etishini taminlash, Toshkent shahri sportchilari uchun yagona sport liboslari (epikirovka) ishlab chiqarish, musobaqalarni xalqaro talablar darajasida tashkil etish, bir so'z bilan aytganda Toshkent shahrini har jihatdan namunaviy bo'limga aylantirish lozimligi takidlandi.

Yana bir masala, bo'limda ro'yxatdan o'tmagan holda trenerlik qilayotgan mutaxassislar faoliyatini muvofiqlashtirish, Toshkent shahrida barcha sportchi va trenerlarning yagona elektron malumotlar bazasini yaratishga kelishib olindi.

Takidlash joiz, muay-tay sporti Osiyo o'yinlari dasturiga kirgan. SHunday ekan ushbu sport turini rivojlantirish orqali O'zbekistonning xalqaro sport nufuzini yanada oshirishga erishamiz.