Toshkent yana bir jahon chempionatiga mezbonlik qilishga yaqin

Safar davomida diyorimizda voleybol sporti rivojini yangi bosqichga olib chiqish, uni yanada ommalashtirish, mahalliy mutaxassislar malakasini oshirish, kelgusida yirik xalqaro musobaqalarni yurtimizda o'tkazishga doir istiqbolli rejalar muhokama etiladi.

Bizdagi malumotlarga ko'ra, poytaxtimiz 2025 yilgi yoshlar (U-19 o'g'il bolalar) o'rtasidagi jahon chempionatiga mezbonlik qiladi. Ushbu xabarning ertaga voleybol bo'yicha O'zbekiston chempionati doirasida rasman elon qilinishi kutilmoqda.

Ushbu yosh toifasidagi so'nggi jahon chempionati 2023 yil Argentinaning San-Xuan shahrida o'tkazilib, Franciya terma jamoasining g'alabasi bilan yakunlangandi. Francuzlar final uchrashuvida Eron terma jamoasini 3:1 hisobida mag'lub etishgandi. Jahon chempionatining bronza medallari AQSHdan 3:1 hisobida ustun kelgan Koreya Respublikasiga nasib qilgan edi. 

Malumot uchun, 2025 yilgi kattalar o'rtasidagi jahon chempionatiga tarixda ilk bor Filippin (12-28 sentyabr, erkaklar jamoalari o'rtasida) hamda Tailand (22 avgust - 7 sentyabr, ayollar jamoalari o'rtasida) davlatlari mezbonlik qiladi.