Toshkentda yig'in o'tkazgan Misr terma jamoasi Qohiraga jo'nab ketdi

Unda O'zbekiston, Gruziya, Misr, Qirg'iziston va Franciya terma jamoalari ishtirok etgandi. Kecha tunda Misr terma jamoasi delegaciyasi bir oy davom etgan yig'inni yakunlab, Qohiraga jo'nab ketdi. Toshkentdagi mashg'ulotlar Afrika chempionatiga tayyorgarlik bosqich vazifasini o'tab berdi. 

"Avvalo, biz uchun barcha sharoitlarni muhayyo qilib bergan O'zbekiston dzyudo federaciyaga rahmat aytmoqchiman. Haqiqatan ham, yaratilgan sharoitlar yuqori darajada bo'ldi. Fikrimni jamoadoshlarim ham tasdiqlashadi. Dunyoning ko'plab davlatlarida bo'lganmiz, bu kabi o'quv-mashg'ulot yig'inlarini o'tkazganmiz. Lekin Toshkentdagi mashg'ulotimiz shu kungacha o'tkazganlarimizning eng zo'ri bo'ldi. Bir oy davomida dunyoning kuchli dzyudochilari bilan mashg'ulot o'tkazdik. Ular orasida Gruziya va O'zbekiston terma jamoalarini alohida takidlagan bo'lardim. Kuchli dzyudochilar bilan o'tkazgan mashg'ulotlarimiz Afrika chempionatida bizga as qotadi degan umiddaman. Biz yana Toshkentga qaytamiz. Hammasi uchun rahmat!", - deydi Misr terma jamoasi etakchisi, jahon chempionati sovrindori, besh karra Afrika chempioni, Afrika o'yinlari g'olibi Ramadan Darvish. 

Malumot uchun, Toshkentdagi yig'inda Misr terma jamoasi tarkibida Muhammad Abdelaal, Muhammad Abdulrahmon, Ahmad Abdulrahmon, Ali Rizq, Xatem Abd El Axer, Muhammad Moheldin, Ahmad Eldesouki, Ali Elshouni, Abdalla Abdelsamia va Ramadan Darvish ishtirok etdi.