Toshkentning "Anfa" kriket klubi Hindistonda o'quv-mashg'ulot yig'ini o'tkazyapti

Xususan, federaciya raisi Aziz Mixliev tashabbusi va say-harakati bilan Toshkentning "ANFA" kriket klubi jamoasi o'quv-yig'in mashg'ulotlari o'tkazish va T20 formatdagi o'yinlarda ishtirok etib, tajriba almashish maqsadida ayni paytda Hindiston davlatining Kanpur shahrida bo'lib to'ribdi. 

Xabaringiz bor, Hindistonda kriket sport turi eng ommalashgan sport turi sanaladi. SHu bois ham Hindiston kriket federaciyasi hamda O'zbekiston kriket federaciyasi o'rtasida ikki tomonlama hamkorlik aloqalari yo'lga qo'yilgan. 

Bir oylik safarining ilk kuni 26 noyabrda "ANFA" klubi jamoasi dastlab, Kanpur shahridagi "Green Park Stadium" kriket maydonida "Kanpur Administration Team" jamoasi bilan T20 formatdagi o'yin o'tkazdi. O'quv-yig'in amaliyot doirasida kecha, 4 dekabr kuni "ANFA" klubi navbatdagi T20 formatdagi musobaqada ishtirok etdi. 

"Daman, Diu Dadra Nagar Haveli" kriket associaciyasi taklifiga ko'ra tashkil etilgan bellashuvlarda "ANFA" jamoasi "Ranji trofi" klubi jamoasi bilan kuch sinashdi.

Hindiston safarida sport delegaciyasiga rahbarlik qilayotgan federaciya raisi Aziz Mixlievning bizga xabar qilishicha, "ANFA" jamoasi yigitlari belgilangan rejaga muvofiq, mutaxassislar tomonidan o'quv-mashg'ulotlarda ishtirok etishmoqda. SHuningdek, Hindistonning turli shtatlaridagi kriket klublari taklifiga binoan "ANFA" jamoasi nazorat-o'rtoqlik o'yinlari o'tkazishadi. 

Darvoqe, Hindiston ommaviy axborot vositalarida "ANFA" klubi bilan bog'liq jarayonlar yoritilmoqda. Jumladan, mamlakatning "Asli Azadi" gazetasi sahifasidan "ANFA" klubining raqib jamoa bilan o'yini haqidagi maqola joy olgan. 

Ilhom RAHMONOV tayyorladi