Uaylder va Brizil ishtirokida so'nggi matbuot anjumani o'tkazildi

Xabaringiz bor, 18 may (Toshkentda 19 may tongi) kuni o'tkaziladigan boks kechasining markaziy jangi superog'ir vazn toifasida WBC chempioni Deontey Uaylder hamda rasmiy davogar Dominik Brizil o'rtasida bo'lib o'tadi. 

"Menga qarshi ringga chiqadigan bokschilarning bari eng yaxshi sport formasida ekani, meni mag'lub etishlarini aytishadi. Lekin yakunda bu rejalar amalga oshmay qolaveradi. Bu safar ham shunday bo'lishi kerak. Dominik mendan jang so'radi va men uning istagini amalga oshirdim. Endi mendan xafa bo'lmasin. 18 may oqshomi men uchun quvonchli, Brizilga juda ham qayg'uli bo'ladi", - dedi Uaylder.

"Men jangga har tomonlama puxta tayyorgarlik ko'rdim. Verjil Xanter yordamida reja asosidagi kuchli mashg'ulotlarni o'tkazdik. Jismonan va ruhan o'zimni kuchli his qilyapman. WBS kamarini qo'lga kiritish bu mening oliy maqsadim. Uaylder qanday jangga rozi bo'lib qolganini haligacha tushunmayapti. U shanba kuni faoliyatidagi eng qiyin jangini o'tkazadi. Men Deonteyni chunonam do'pposlayman, buning natijasida u qo'lqoplarini boshqa kiyishga o'zida jurat topa olmaydi", - dedi Brizil.