UCI World Tour-2020ni yakunladi

UCI matbuot xizmati joriy mavsumni «COVID-19 bilan bog'liq misli ko'rilmagan sanitariya holati tufayli tarixiy mavsum» deb atadi.

Mart oyi o'rtalarida velosport musobaqalari butunlay to'xtatildi. SHunga qaramay, UCI WorldTour va UCI Women’s WorldTour uyushmaning sog'liqni saqlash protokoliga rioya qilgan holda 1 avgustdan qayta boshlandi.

Umuman olganda, tadbirlarning bekor qilinishi va keyinga qoldirilishi natijasida UCI WorldTour 2020 o'tishi lozim bo'lgan 21 ta tadbir va 121 ta musobaqaning 17 ta tadbiri va 101 ta musobaqasi avgustdan noyabr oyining boshigacha o'tkazildi. Ayollar o'rtasidagi deyarli barcha 11 tadbir va 21 kunlik musobaqalar cheklovlar ostida o'tib bo'ldi. Federaciya va uning hamkorlari tomonidan 2020 yil 5 mayda tuzilgan yangi UCI Xalqaro yo'l taqvimiga binoan “Paris-Roubaix”, “Paris-Roubaix Femmes”, «Amstel Gold Race» hamda «Amstel Gold Race Ladies» velopoygalari bekor qilindi.

Eslatib o'tamiz, 2020 yil 19 iyun kuni UCI musobaqalarni tiklash maqsadida sog'liqni saqlash protokolini elon qilgan edi. Ushbu bayonnoma UCI tibbiyot direktori, professor Ksave Bigard rahbarligida velosportning turli vakillari (poygachilar, jamoalar va tashkilotchilar) hamda jamoaviy shifokorlardan tashkil topgan boshqaruv guruhi tomonidan tuzilgan. Musobaqa oldidan o'tkaziladigan majburiy testlar seriyasi, shuningdek uchta Grand Turning qolgan kunlarida kuzatuv testlari joriy etildi.