UFC 249 musobaqasi O'zbekistonda namoyish etiladigan bo'ldi

10 may kuni aralash jang sanati muxlislari sabrsizlik bilan kutayotgan, ko'p sonli jangchilar ishtirokidagi UFC 249 musobaqasi bo'lib o'tadi.

Tomoshabinlarning katta qiziqishi va murojaatini inobatga olgan holda, Uzreport TV ushbu musobaqani O'zbekistonda translyaciya qilish huquqini xarid qildi. Mazkur musobaqa translyaciyasi UFC TV va Metrotelecom bilan birgalikda amalga oshiriladi. Malumot uchun, Metrotelecom UFC TVni O'zbekistonda translyaciya qilish huquqining eksklyuziv distribyutori hisoblanadi.

Turnir 9 may kuni kechqurun AQSHning Florida shtatidagi Jeksonvildagi "VyStar Veterans Memorial Arena" majmuasida bo'lib o'tadi. Biroq, mintaqalar o'rtasidagi vaqt tafovuti tufayli O'zbekistonda translyaciya 10 may kuni ertalab soat 05:00 da boshlanadi.

Kun tartibidan 12 ta jang o'rin olgan. SHulardan ikkitasi - Toni Ferguson va Jastin Getji, shuningdek Genri Sexudo va Dominik Kruz o'rtasidagi janglar titul janglari hisoblanadi. Sizni bir-biridan qiziqarli to'qnashuvlar kutmoqda.

Musobaqa kuni tomoshabinlarga yorqin hissiyotlar va yaxshi kayfiyat tilaymiz!