10 may 16:59
Yangiliklar

Boks/MMA

UFC 249 turnirining eng yaxshi jangi va bonus egalari malum

Bugun Jeksonvill (Florida shtati, AQSH) shahrida o'tkazilgan UFC Fight Night 249 turnirining qahramonlari elon qilindi.

Oqshomning eng yaxshi jangi sifatida kutilganidek, Toni Fergyuson va Jastin Getji o'rtasidagi to'qnashuv tan olindi. Engil vaznda vaqtinchalik chempionlik kamari uchun kechgan ushbu jang ishtirokchilari qo'shimcha 50 ming dollardan bonusga ham ega bo'lishdi.

Og'ir vazn toifasida kechgan franciyalik Frensis Ngannu hamda surinamlik Jairzino Rozenstruyk o'rtasidagi jang ham alohida etirof etildi. Ngannu 22 soniyada Rozenstruykni nokautga uchratdi. Ngannu ushbu g'alabasi evaziga gonorarga qo'shimcha tarzda yana 50 ming dollar bonusni ham qo'lga kiritdi.