Uimbldon. Belinda Benchich raqibasiga 4 ta geym berdi

Sayyoramizning 13-raketkasi Belinda Benchich ikkinchi davra uchrashuvida oson g'alabaga erishdi. SHveycariyalik tennischi 1 soatu 10 daqiqa davom etgan bahsda WTA reytingining 76-pog'onasini band etgan estoniyalik Kayya Kanepini 6/3, 6/1 hisobida mag'lubiyatga uchratdi.  

Uchrashuv davomida 22 yoshli Benchich 3, 34 yoshli Kanepi esa 4 ta eys zarbasini amalga oshirdi. Bu tennischilarning o'zaro ilk uchashuvi edi. Endi Belinda uchinchi davra bahsida amerikalik Elison Riskega qarshi kortga chiqadi. Riske serbiyalik Ivana Yorovichdan 6/2, 6/7(3), 9:7 hisobida ustun keldi.