08 iyu 20:58
Yangiliklar

Tennis

Uimbldon. Dunyoning birinchi raketkasi ishtirokini yakunladi

Sayyoramizning birinchi raqamli tennis malikasi Eshli Barti Uimbldon turniridagi yurishini to'xtatdi.

Avstraliyalik tennischi musobaqaning to'rtinchi davrasida reytingning 55-pog'onasidan joy olgan amerikalik Elison Riskega qarshi kortga chiqdi. Barti 1 soatu 36 daqiqa davom etgan uchrashuvda raqibasiga 6/3, 2/6, 3/6 hisobida imkoniyatni boy berdi.

Eshli bahs davomida 12 ta eys zarbasini berishga muvaffaq bo'ldi. Elison esa o'zaro ikkinchi uchrashuvda ham Eshlini mag'lubiyatga uchratdi. Endi Riske chorak finalda vatandoshi Serena Uilyamsga qarshi kortga chiqadi.