03 iyu 07:43
Yangiliklar

Tennis

Uimbldon. Jokovich 114-raketkaga qarshi kortga chiqdi

London shahri mezbonligida o'tayotgan tennis bo'yicha "Katta Dubulg'a" turkumiga kiruvchi "Uimbldon" turniri o'zining qizg'in pallasiga kirib bormoqda.

Sayyoramizning birinchi raketkasi Novak Jokovich musobaqaning to'rtinchi davrasiga yo'l oldi. Serbiyalik tennis yulduzi 2 soatu 16 daqiqa davom etgan uchinchi davra uchrashuvida reytingning 114-pog'onasini egallab turgan amerikalik Denis Kudladan ustun keldi - 6/4, 6/3, 7/6(7).

Novak bahs davomida 8 ta, Denis esa 6 ta eys zarbasini amalga oshirdi. Tennischilarning o'zaro uchrashuvlaridagi hisob yiriklashdi - 3:0. Endi Jokovich "Uimbldon"ning to'rtinchi bosqichida chililik Kristian Garinga qarshi kortga chiqadi.