12 iyu 08:07
Yangiliklar

Tennis

Uimbldon. Nadal Potroga qarshi 5 setdan iborat salkam 5 soatlik o'yin o'tkazdi

London shahri mezbonlik qilayotgan "Katta Dubulg'a" turkumiga kiruvchi Uimbldon turniri o'z yakuni sari yaqinlashmoqda.

Erkaklar o'rtasidagi musobaqaning chorak finalida dunyoning birinchi raketkasi Rafael Nadal jiddiy qarshilikka duch keldi. Ispaniyalik tennis yulduzi argentinalik Xuan Martin Del Potroga qarshi deyarli 5 soat davom etgan 5 setdan iborat uchrashuv o'tkazdi.

To'rt soatu 47 daqiqa davom etgan bahs yakunida Nadal raqibidan 7:5, 6:7(7), 4:6, 6:4, 6:4 hisobida ustun keldi. Potroga 33ta eys zarbasi ham yordam bera olmadi. Endi Rafa yarim finalda serbiyalik Novak Jokovichga qarshi kortga chiqadi.