US Open. Garbin Mugurusada g'alabali start

Sayyoramizning 16-raketkasi Garbin Mugurusa "Katta Dubulg'a" turkumiga kiruvchi AQSH Ochiq chempionatining ilk davrasida reytingning 78-pog'onasidan joy olib turgan yaponiyalik Nao Xibinoga qarshi bahs olib bordi va ikki setda ham bir xil hisobdagi g'alabaga erishdi - 6/4, 6/4.

Uchrashuv 1 soatu 29 daqiqa davom etgan. O'zaro uchrashuvlarda Garbin hisobni yiriklashtirdi - 3:0. Endi 26 yoshli ispaniyalik tennis malikasi US Open turnirining ikkinchi bosqichida rossiyalik Lyudmila Samsonovadan 6/2, 6/3 hisobida ustun kelgan bolgariyalik Cvetana Pironkovaga qarshi kortga chiqadi.