Vatandoshini taslim etgan Monfis SHanxay "Masters" 1/8 finaliga chiqdi

Franciyalik tennischi ATP 1000 toifasiga kiruvchi ushbu turnirning to'rtinchi davrasida dunyoning 15-raketkasi bo'lib turgan hamyurti Ugo Umberni irodali tarzda mag'lub etdi - 7:6 (9:7), 2:6, 6:1. Ikki soatu 14 daqiqa davom etgan bahsda Monfis 10, Umber esa 5 ta eys zarbasini amalga oshirgan. 

Endi 38 yoshli francuz chorak final chiptasi uchun dunyoning ikkinchi raketkasi, ispaniyalik Karlos Alkarasga qarshi kortga chiqadi. Tennischilarning o'zaro so'nggi uchrashuvida Monfis g'alaba qozongandi. Bu shu yil avgust oyida Cincinnati "Masters" turniri doirasida sodir bo'lgan edi.