“Vatanparvar” tashkiloti sportchilari xalqaro musobaqada g'olib chiqishdi

Beshta davlatdan 120 dan ortiq sportchilar ishtirok etgan ushbu nufuzli musobaqada O'zbekiston Respublikasi mudofaasiga ko'maklashuvchi “Vatanparvar” tashkiloti sportchilari 4 ta oltin, 1 ta kumush va 1 ta bronza medallarini egallab, yoshlar o'rtasida umumjamoa hisobidan birinchi o'rinni egalladilar.

SHohsupaga ko'tarilgan sportchilarimiz:

1. Otabek Fazliddinov “S-7”-sinfida 1-o'rin (Namangan viloyati);

2. Sardor Ro'ziev “S-6-A”-sinfida 1-o'rin (Buxoro v.);

3. Farrux Safoev “S-9-A”-sinfida 1-o'rin (Buxoro v.);

4. Feruz Bahodirov “S-7-A”-sinfida 1-o'rin (Buxoro v.);

5. Farhod Bakiev “S-10-A”-sinfida 2-o'rin (Samarqand v.);

6. SHahboz Bafoev “S-10-A”-sinfida 3-o'rin (Buxoro v.).

Bundan tashqari, namanganlik murabbiy Najmiddin Zaylidinov “Eng yaxshi murabbiy” nominaciyasi bo'yicha g'olib deb topildi. O'zbekiston Respublikasi mudofaasiga ko'maklashuvchi “Vatanparvar” tashkiloti jamoasi ushbu sportchilarni samimiy muborakbod etib, kelgusida bundan-da yuksak yutuqlarga erishishlarini tilaydi.

Eslatib o'tamiz, 2022 yilning 16-23 sentyabr kunlari Qozog'iston Respublikasining Baykonur shahrida sportning raketamodel turi bo'yicha o'tkazilgan “Baykonur Kubogi-2022” xalqaro musobaqasida “Vatanparvar” tashkiloti sportchilaridan iborat O'zbekiston terma jamoasi birinchi o'rinni qo'lga kiritgan edi.

“Vatanparvar” tashkiloti bir qator xalqaro sport tashkilotlari, jumladan, Xalqaro aeronavtika federaciyasi (FAI)ning to'la huquqli azosi hisoblanadi.

O'zbekiston Respublikasi mudofaasiga ko'maklashuvchi “Vatanparvar” tashkiloti Matbuot xizmati