Veloshosse bo'yicha jahon chempionatiga mezbon topildi

Biroq bugun Xalqaro velosipedchilar ittifoqi mazkur shov-shuvlarga chek qo'ydi va musobaqaga mezbonlik qiladigan joyni rasman elon qildi. Unga ko'ra, o'zining yo'llari bilan mashhur bo'lgan Italiyadagi Imola trassasi velopoygachilar kuch sinashadigan joy bo'ladi.

“Formula-1 uchun mo'ljallangan ushbu trassada 24-27 sentyabr kunlari bo'lajak jahon chempionati bo'lib o'tadi. Takidlash joiz, bugungi davrdan kelib chiqqan holda musobaqalar taqvimi qisqartirildi va sportchilar faqatgina elita, yani kattalar toifasida yakkalik shaxsiy vaqt hamda guruh poygasi yo'nalishlarida bahs olib borishadi.

Musobaqada erkaklar uchun trassaning uzunligi 259.2 kilometrni, ayollar uchun esa 144 km.ni tashkil qiladi. SHunda 28.8 kilometrga teng aylanani erkaklar 9 bor, ayollar 5 bor bosib o'tishlari kerak. Poyga davomida sportchilar 2 ta murakkab qiyalikka ko'tarilishlari, bazi hududlarda gradienti 14 % ni tashkil qiladigan joylardan o'tishlari talab qilinadi. Alohida start bo'yicha o'tadigan poyga masofasi 32 km.ga teng.

Musobaqa jadvali:

24 sentyabr: Ayollar, alohida startda shaxsiy poyga
25 sentyabr: Erkaklar, alohida startda shaxsiy poyga
26 sentyabr: Ayollar, guruh poygasi
27 sentyabr: Erkaklar, guruh poygasi

Takidlash joiz, Imola 1968 yilgi jahon chempionatini qabul qilishda ham jonbozlik ko'rsatgan.

Malumot uchun, UCI qabul qilgan mazkur reglamentga ko'ra, O'zbekiston terma jamoasi 5ta kvotaga ega bo'ladi. Bunda alohida startdagi shaxsiy poygada erkaklar va ayollar o'rtasida 1 tadan, ayollar o'rtasidagi guruh poygasida esa 3 nafardan sportchimiz ishtirok etishi mumkin.