Veloshosse: O'zbekiston chempionatining ilk g'oliblari aniqlandi

Turnirning birinchi kun bahslari murosasiz kechdi. Jamoaviy vakt poygasida 40 km masofaga o'tkazilgan musobaqada erkaklar o'rtasida Danil Evdokimov, Nikita Stenkavoy, Dmitriy Sirko, Botirjon Ismatovlardan iborat “Dinamo” jamoasi 50:5, yoshlar o'rtasida esa Samandar Sultonov, Ahmad Yuldashev, Husniddin SHonazarov, Davlatyor Zaribov tarkibli Xorazm viloyati jamoasi 52:59 natija bilan g'oliblikni qo'lga kiritdi. 

Juftlik vakt poygasida 20 km masofaga kechgan bahsda ayollar o'rtasida Yanina Kuskova, Madina Qahhorova 28:59 natija qayd etib g'olib bo'ldi.  Yosh qizlar o'rtasidagi bellashuvda esa Anna Kuskova Margarita Misyurina 30:22 vaqtda marra chizig'ini birinchilardan bo'lib kesib o'tishga muvaffaq bo'ldi. 

Eslatib o'tamiz, O'zbekiston Respublikasi Turizm va sport vazirligi, Milliy Olimpiya qo'mitasi hamda O'zbekiston velosiped sporti federaciyasi tomonidan o'tkazilayotgan turnir 8 mayga qadar davom etadi.