Velosportchilarimiz Osiyo chempionatini oltin medal bilan boshlashdi

Ilk kunning o'zida jamoamiz oltin medalni qo'lga kiritdi.

Ayollar o'rtasida (women elite) 24 km masofaga kechgan jamoaviy poyga bahsida qizlarimiz eng yaxshi natija qayd etishdi. Yanina Kuskova, Margarita Misyurina, SHahnoza Abdullaeva hamda Anna Kulikovadan iborat jamoamiz masofani 32:14.911 daqiqa ichida bosib o'tishdi. Ikkinchi o'rin Qozog'iston termasiga nasib etgan bo'lsa, eronlik velosportchilar kuchli uchlikni yakunlab berishdi.

Takidlash joiz, jamoamiz mazkur yo'nalishda birinchi bor qita chempionatining oltin medaliga sazovor bo'lmoqda. Musobaqada ishtirok etadigan boshqa sportchilarimizga ham omad tilaymiz.