Veronika turnirning birinchi raketkasini mag'lub etdi

Kutilmaganda sayyoramizning uchinchi raketkasi, Western & Southern Open musobaqasida birinchi raqam ostida tasniflangan chexiyalik Karolina Plishkova ikkinchi davra uchrashuvida mag'lubiyat alamini totib ko'rdi. 

Karolina reytingning 41-pog'onasidan joy olgan rossiyalik Veronika Kudermetovaga 1 soatu 45 daqiqa davom etgan bahs yakunida 5/7, 4/6 hisobida yutqazib qo'ydi. O'zaro uchrashuvlardagi hisob muvozanati tiklandi - 1:1. Endi Kudermetova uchinchi davrada franciyalik Kristina Mladenovich yoki belgiyalik Elize Mertensga qarshi kortga chiqadi.