Viktoriya Azarenko final ishtirokchisiga aylandi

Ikkinchi yarim final uchrashuvida WTA reytingida 59-pog'onadan joy olgan Viktoriya Azarenko dunyoning 15-raketkasi, britaniyalik Yoxanna Kontani 4/6, 6/4, 6/1 hisoblarida mag'lubiyatga uchratib, final chiptasini qo'lga kiritdi. 

Tennischilar kortda 138 daqiqa harakat qilishdi. Bu vaqt oralig'ida belaruslik 31 yoshli tennischi 7 ta, 29 yashar Konta esa 9 ta eys zarbasini amalga oshirdi. O'zaro uchrashuvlardagi hisob muvozanati ham tiklandi - 2:2. Bugun Azarenko Western & Southern Open finalida yaponiyalik Naomi Osakaga qarshi kortga chiqadi.