Volkov AQSHga boradi, 21 iyun kungi jangning rasmiy posteri ham tayyor + FOTO

AQSHning Nevada shtati Las-Vegas shahridagi UFC APEX arenasi mezbonlik qiluvchi ushbu oqshomning markaziy jangi og'ir vazn toifasi vakillari - rossiyalik Aleksandr Volkov hamda amerikalik Kyortis Bleyds o'rtasida bo'lib o'tadi. 

Avvalroq UFC prezidenti Dena Uayt rossiyalik jangchilarni AQSHga olib kelish borasida muammoga duch kelayotganini aytgan edi. Kecha esa Rossiya hukumati mamlakat fuqarolarini faqat ish yuzasidan xorijga chiqishlariga ruxsat berdi.

"Hukumatning maxsus Farmoyishi imzolandi, unga ko'ra Rossiya fuqarolariga ish va o'qish yuzasidan hamda xorijda yashayotgan bemor qarindoshlarining holidan xabar olishlari uchun ruxsat berildi", — deydi Rossiya Federaciyasi bosh vaziri Mixail Mishustin.

Malumot uchun, Aleksandr Volkov so'nggi jangini o'tgan yilning noyabr oyida Moskvadagi UFC turnirida o'tkazgan bo'lib, o'shanda Greg Xardini mag'lubiyatga uchratgan edi. U ayni paytda reytingda 7-o'rinni egallab turibdi. Bleyds esa so'nggi jangida Junior dos Santosni nokautga uchratgan va o'sha g'alabadan so'ng reytingda 3-o'ringa ko'tarilib olgandi. 

Aleksandr Volkov hisobida aralash yakkakurashlar bo'yicha 38 ta jang bo'lib, ularning 31 tasida g'alaba qozongan. Hisobida 7 ta mag'lubiyat bor. Bleyds esa 15 ta jangining 13 tasida zafar quchgan. Ikki bor mag'lubiyat alamini totib ko'rgan.