"VTB Kreml Kubogi". Rus derbisida Karacev Xachanovni mag'lub etdi

Musobaqaning yarim finalida rossiyalik ikki tennischi - dunyoning 22-raketkasi bo'lib turgan Aslan Karacev ATP reytingining 31-pog'onasidan joy olib turgan Karen Xachanovga qarshi kortga chiqdi. Uchrashuvda Karacev nomdor raqibini 7/6(7), 6/1 hisoblarida mag'lub etib, finalga yo'l oldi. 

Roppa-rosa 100 daqiqa davom etgan bahsda 28 yoshli Karacev 6 ta, 25 yashar Xachanov esa 8 ta eys zarbasini ijro etdi. Aslan faoliyatida ilk bor Karenni mag'lub etishni uddaladi. Bundan avvalgi o'zaro uchrashuvlarning to'rttasida Xachanov g'alaba qozongan edi.